حائط اقتباسات شعرية - أشعار وقصايد مقتبسه
حائط اقتباسات شعرية متنوعة
اقتباسات ابيات شعر وقصايد
حائط اقتباسات أشعار متنوعة
ابيات شعر عامه قصيرة ومتنوعة
أبيات شعرية مقتبسه
=====================
اقتباسات ابيات شعر وقصايد ، حائط اقتباسات أشعار ، متنوعة
ابيات شعر عامه قصيرة ومتنوعة
أبيات شعرية مقتبسه
▬▬▬▬▬▬▬ஜ▬▬▬▬▬▬▬
ابيات شعر من بيتين
▬▬▬▬▬▬▬ஜ▬▬▬▬▬▬▬
أكتب على كيفك ترى الناس تقراك
وان كنت طيب طاب مثلك كلامك
خذ هالنصيحه وخلها دوم وياك
كل ما احترمت الناس زاد احترامك
▬▬▬▬▬▬▬ஜ▬▬▬▬▬▬▬
الناس لا كرهوا لهم شخص، كرهوه
لو هو يصلي. يطعنون بصلاته
والناس لا حبوا لهم شخص، حبـوه
لو مايصلي. قالوا الوقت فاته
▬▬▬▬▬▬▬ஜ▬▬▬▬▬▬▬
لاصرت راعي حق والحق وياك
خلك شجاع ولآ تعيش بمذله
ولاشفت حظك طاآح والكل خلآك
إرفع يدينك للسماآ وأطلب الله
▬▬▬▬▬▬▬ஜ▬▬▬▬▬▬▬
الجروح احيان للمجروح خيره
لآ تعد الجرح بالعشره خساره
لو درينا عن هوانا وش مصيره
كان قبل الحب صلينا استخاره
▬▬▬▬▬▬▬ஜ▬▬▬▬▬▬▬
جحادة المعروف وصغار العقول
ما كرهوني بـ الوفا ولا بـ العطا
أكرر الوقفات و اتبسم .. واقول
أنا وطيبي صح والجاحد خطا
▬▬▬▬▬▬▬ஜ▬▬▬▬▬▬▬
حشمت وجهي عن ظنون المواجيب
الطـيـب وِهبـه و التـردي غـريـزة
نفسـي عـزيـزة بس الايام ماهيب
تـقـدر نـفـوس الـرجـال الـعـزيـزة
▬▬▬▬▬▬▬ஜ▬▬▬▬▬▬▬
نحب الليالي والليالي رحاها يدور
ولا نعتبر منها رغم درسها القاسي
نشوف الجنايز ماسكه للمقابر دور
ولا حركت ساكن وكن البشر ناسي
▬▬▬▬▬▬▬ஜ▬▬▬▬▬▬▬
في حياتي ماكرهت (إلا ثلاثه)
الزعول ؛ اللي ولا شي ايتحمّل
ٰ
والضحوك اللي ورا هرجه خباثه
والضعيف اللي علومه ما اتجمّل
▬▬▬▬▬▬▬ஜ▬▬▬▬▬▬▬
الطيّب الطيّب إليا طحت يرفعك
شيك بمخباتك وسيف بيمناك
ٰ
قلبه على قلبك وعينه تطالعك
لو البحر دونه إليا أوميت له جاك
▬▬▬▬▬▬▬ஜ▬▬▬▬▬▬▬
لو نطلب الناس ماسرت ولا ضرت
الخالق الله وحنا من مخاليقه
يالله بنفحات جودً كل مامرت
يمر معها فرج ربي وتوفيقه
▬▬▬▬▬▬▬ஜ▬▬▬▬▬▬▬
تدري وش الي يخلي الهم همين
يومنه يناظر وليفه يسولف مع غيره
وتدرون وش الي يخليني اسعد انسان هالحين
ربي رزقني بوليفن ماهو بمثل غيره
▬▬▬▬▬▬▬ஜ▬▬▬▬▬▬▬
يا شينها لا صرت بين اختيارين
مستقبلك ولا حبيبن توده .؟
مستقبلي والله لخليه بعدين
والا الحبيب ان راح محدن يرده.
▬▬▬▬▬▬▬ஜ▬▬▬▬▬▬▬
على جدار الصمت سجلت لك بيت
يمكن تمره وانت ماشي وتقراه
لو ان كلمة (ليت ) تنفع اهل (ليت)
ماشفت قلب ياخذ دواه من داه.
▬▬▬▬▬▬▬ஜ▬▬▬▬▬▬▬
ابتسم لو يمتلي صـدري طعون
واغمّض عيوني واداري غصتي
ماهي نهاية قصتي لو يرحلون
هذي - نهاية دورهم في قصّتي
▬▬▬▬▬▬▬ஜ▬▬▬▬▬▬▬
درست في دنياي واتعبت الاقدام
وبدلت من بعض الطرايق طرايق
وكفخت بأفكاري كما الطير لاحام
وماعاقني من ماكر العز عايق
▬▬▬▬▬▬▬ஜ▬▬▬▬▬▬▬
ماهي خسارة طيبتي في الرديين
محدن جبرني بالعطا غير طبعي
كن الكرم ديني وآنا موفي الدين
هاذي وصات أبوي من بعد جدي
▬▬▬▬▬▬▬ஜ▬▬▬▬▬▬▬
فديت طآري(آلجنوب)يوم يطرونہ
ي تآج رآسي يعز آبويہ وجدي
لآقيل وشلون آلفخر قلت وشلونہ
شفني جنوبي من هو بآلفخر قدي
▬▬▬▬▬▬▬ஜ▬▬▬▬▬▬▬
▬▬▬▬▬▬▬ஜ▬▬▬▬▬▬▬
ثلاث ابيات شعر
▬▬▬▬▬▬▬ஜ▬▬▬▬▬▬▬
وان صد عنّا بارد ،، الوجه لا باس
يا الله عسى اوجوه ،، النشاما علينا
ما يدري ،، انّا نفخر ،، بكل نوماس
ونستر اللحانا ،، من ،، مكارم يدينا
تباً لعبّاد ،،، المظاهر ،، من الناس
وَيَا جعلنا ننصى ،، الكريم ويجيينا
▬▬▬▬▬▬▬ஜ▬▬▬▬▬▬▬
وصل شعوري حالة اللامبالاهْ
من كثر صدمات الحياة و تعبها
و الكفو اذا قام الزمان يتحداهْ
ألذ و أغلى منجزاته صعبها
قم و استظل بشجرة ( الحمد لله )
و اثبت و كانّك شعبةٍ من شعبها
▬▬▬▬▬▬▬ஜ▬▬▬▬▬▬▬
مافيه أحد مافي حياته معاناهْ
ولا ذاق من ريف الحياة و لعبها
لا تكره الناس لو يخطون في حقك
الزله اللي تجي لك صد و إنساها
ولا تذكر انك عطيت الناس من ودك
سو الجمايل لوجه الله وتلقاها
▬▬▬▬▬▬▬ஜ▬▬▬▬▬▬▬
اليتم يتم الأدب والموت موت الضمير
والحب حب المعالي ... باختلافاتها
والجرح جرح المشاعر من لسان الحقير
والصوم صوم الجوارح عن شهواتها
والبخل بخل الغني والجود جود الفقير
والبعد بعد النظر ماهي مسافاتها
▬▬▬▬▬▬▬ஜ▬▬▬▬▬▬▬
نحشم سفيه الناس من شان ناسه
ونداري الـمجنون واللي بلا قلب
يعني لو يطـاول مع الروس راسه
مانلتفت له لو يحَلب الخطأ حلب
اللي مثل شـرواه ترڪه .. كياسه
وإﻵ الـقمر يـظهر ولو ينبح الكلب
▬▬▬▬▬▬▬ஜ▬▬▬▬▬▬▬
بسمك اللهم يالخـالـق الحي الودود
ابتدي واول بـركــة الكـــلام البسمله
.
يالله آجرني من الحـامية ذات الوقود
ويالله ادخلني مـع اللي ظـلالك ظلله
.
ويالله بـعزٍ على هقـــوة الــهاقي يزود
يرفع الرجـال واسمه ، وربعه ، وآهله
▬▬▬▬▬▬▬ஜ▬▬▬▬▬▬▬
نزعل ونتكبر وحنا من الطين
والبعض منا يصد ان شاف زلة خويه
ونفخر ونقول إنا على الصد قاوين
وهي علينا في الحقيقة قويه
ونشتاق ونحن ونرد متراضيين
وكلن يدمح للثاني زلة خويه
▬▬▬▬▬▬▬ஜ▬▬▬▬▬▬▬
الموقف اللي صدو عنك وخلوك
وضاقت بك الدنيا ولا فيه فزاع
ابشر بعزك لعنبو من عادوك
تأمر علي وانا أجيك بياع
لاتشتكي الدنيا وانا حي ياخوك
يفداك راسي وكلي لك انصاع
▬▬▬▬▬▬▬ஜ▬▬▬▬▬▬▬
فيني شموخ غارسه شايبي غرس
ومهما يجور الوقت مالن راسي
ابوي علمني وانا حافظ الدرس
ماأخـــــــــــــــالف سلم جدي وساسي
انا حمست العز في داخلي حمس
وهيلت فنجــــــــانه وقندت راسي
▬▬▬▬▬▬▬ஜ▬▬▬▬▬▬▬
اشعار من اربع ابيات
▬▬▬▬▬▬▬ஜ▬▬▬▬▬▬▬
اصبر على اليوم لا واجهت ماتكره
بكره تقول امس راح وراحت احزانه
يلفه الوقت لف السلك للمكره
وتروح من كربته ويديك مليانه
لولا الرجاء من نهار اليوم في بكره
كان الجزع صك دون اليسر بيبانه
لاتقطع الياس فاللي واجب شكره
يدرك فرجها عظيم الشان سبحانه
▬▬▬▬▬▬▬ஜ▬▬▬▬▬▬▬
لاصرت تبغى السعد والخير والفلّه
خل اتكالك على الله وازهل الباقي
وابعد عن العيب والمنقود والزلّه
مثل ابتعاد الترف عن لقمة الشاقي
اخلاق الإنسان دين وطبع وجبلّه
وحنا بالأخلاق ذا نازل ،، وذا راقي
لاتربط اخلاق خلق الله ، بخلق الله
الله خلقني وانا اللي كاسب اخلاقي
▬▬▬▬▬▬▬ஜ▬▬▬▬▬▬▬
صعب التحمل لو العزيز يظهر الشين
رغم عينك بعينه. يطعنك وهوا قبالك
الزله لاجتك من مقلة العين
تكوي خفوقك وتحرق داخلك
الخيانه لاجتك من ناسن عزيزين
ناسن بعيده عن الشك وعاذلك
تخليك محتار مابين نارين
اما الفراق اما توزنهم بعقلك
▬▬▬▬▬▬▬ஜ▬▬▬▬▬▬▬
اليوم ذكرى في وداعت حبيبي
ذكرت الي ضيعت عمري عشانه
صاح قلبي اليوم وتزايد لهيبي
لاكن مع ذالك اخفي أوجاعه
وبعض الأوادم تحك بجروحي
وأصبر عليهم والعنها من ساعه
أضحك وأتونس والهم يفضحني
أمشي يومي وأحط الحكمة شماعه
▬▬▬▬▬▬▬ஜ▬▬▬▬▬▬▬
الطيب له عقلٍ سليم مايبدل وجهته
لو تكثر الطعنات بالصداقه وينخذل
أسمع القول مني وأفهم موجته
متربي على الطيبه ماهو للنعل
الخبيث يسعى بغدرات مجرمه
يكيد للطيب ويقول أنا رجل
والفاشل يحكي بكلام المكذبه
والناجح يطنش ويقول هذا جهل
▬▬▬▬▬▬▬ஜ▬▬▬▬▬▬▬
رجلٍ يسوي جماله. لايصورها
اهل الجمايل ماتستلحق جمايلها
واللي اليا من تجمل راح ينشرها
وفي كل مجلس مع العالم ينقلها
ماعاد. فيها جماله يوم تذكرها
سويتها وانت نفسك ماتحملها
خلق الله صدورها منته. بسابرها
اليا وجب ردها . تبي. تكملها
▬▬▬▬▬▬▬ஜ▬▬▬▬▬▬▬
كتبت اسمك وطرزته خفوقين وسهم وحروف
وكتمت السر في صدري غرام طالت سنينه
وإذا غرك هوى نفسك تصبّر وانتظر وتشوف
من اللي ياصل العليا ومن اللي تقصر يدينه
واذا قصدك تهددني تراك اسديت لي معروف
طريقٍ كنت ماحبه وقلت اليوم يازينه
دخيلك حل عن دربي ووفر لعبك المكشوف
ترى روحتك عن دربي وربي ماهي بشينه
▬▬▬▬▬▬▬ஜ▬▬▬▬▬▬▬
اختصر كل الكلام
واتجنب غث المواقف
ماهو ضعف، لكن احترام
و اتردد عن رد الهواتف
مهو كبر. لكن بعضه حرام
من بعظهم الريق ناشف
ادريبهم بزران الغرام
حاشا النشامى والكل عارف
▬▬▬▬▬▬▬ஜ▬▬▬▬▬▬▬
اشعار من خمس ابيات
▬▬▬▬▬▬▬ஜ▬▬▬▬▬▬▬
احشم النفس عن الردي والقمامه
وابعد عن الي واطي بصحبته
المنافق بالظهر يطلق سهامه
وبالوجه يضحك وكاذب بمحبته
ولا ترادد خسيس يلوثك بكلامه
طيبك واخلاقك. يخليها مشتته
صاحب إلي وفي بعشرته واحترامه
ماتشوف بوقت ضيقك سحبته
وخلك مع إلي رفيعن مقامه
يرفع مقام الخوي من رفعته
▬▬▬▬▬▬▬ஜ▬▬▬▬▬▬▬
مجموعة قصايد شعر
▬▬▬▬▬▬▬ஜ▬▬▬▬▬▬▬
نزعل ونتكبر وحنا مـن الطيـن
والكل منا يصـد لا أقبـل خويـه
نفخر نقول انا على الصد قاويـن
وهـي علينـا فالحقيقة قويـة
ننسى نهايتنا وعلى ويـن ماشيـن
وننسى الزمان اللي جمعنا سويـه
المشكلة ماهي بحاجـه لتخميـن
ولاهي يا نـاس صعبـه القضيـة
دق الرقـم كيفك هلا فيك وأهلين
اناالخوي اللـي مزعـل خويـه
تغيب وصورتـك داخـل العيـن
ويبقى لحبك فـي خفوقـي بقيـه
اخواااااان حنا لويجي بيننـا شيـن
وما نفتـرق دام المحبـة نـديـه
خلك قوي لا تحتكرك الشياطيـن
قبل الفوات وقبـل وقـت المنيـه
هاذي هي الدنيا من الحين للحيـن
لابد بين النـاس تحصـل خطيـه
ومن لايقدر غلطة احبابه الحيـن
يقرا حروفـي ويعتبرهـا هديـه
باااكر تمر سنين وسنيـن وسنيـن
والكل يرحل فالدرووووووب المديه
صدقني تندم واذكر حروفنا زيـن
تندم على خلك إذا غـاب ضيـه
دنيا غريبه واكثر النـاس ماشيـن
وكم صاحب والله دفنته بيديه
الشاعر خلف بن هذال ( اعتبرها هديه )
▬▬▬▬▬▬▬ஜ▬▬▬▬▬▬▬
تبغـا تعيـش بخيـر وتـريـح الــراس
لا لا تـخـلـي أكـثــر الـنــاس هـمــك
خلك عديـم إحسـاس قـدام الأجنـاس
لاحـدن يهمـك غـيـر والــدك وأمــك
والصاحب المطنوخ مكسب ونوماس
وأخيـك مـن شاركـك هـمـك وغـمـك
يفزغ معـك لاصـار فالبـال وسـواس
ولاحـدتــك ســـود اللـيـالـي يـلـمــك
وأحـذر مـن الغـدار ياطيـب السـاس
الـلـي لـيـا جــات المـواقـف يسـمـك
الناس يابن الناس تفرق عن الناس
تــرا الــردي يــم النجـاسـه يـخـمـك
تـرى الـردي خوتـه ماترفـع الـراس
بــحــذرك خــوتــه حــــذرا تـعـمــك
والناس فيها أنواع وأشكال وأجناس
ولـنــت خـــاو كـــل طـيــب يـهـمـك
هــذا كـلامــي ولاتـفـكـر وتـحـتـاس
وأفهـم مـرادي وخـل الابيـات يـمـك
قلتـه قبـل لايضـرب براسـك الفـاس
وإن كـان طـاح الفـاس بيثـور دمـك
▬▬▬▬▬▬▬ஜ▬▬▬▬▬▬▬
حـدد مسـارك وأتـجـه يـمّ وجهـتـك
واشـرب زلآل المـاء وأتـرك هـماجـه
لا تـنـصدم بيـوم لا خابـت هقـوتـك
وان طـارت الخـوه بـوسط العجاجـه
وان كـان اسـمك ما ينومـس قربتـك
اصبـر على ضـيم الـدهـر وانـعواجـه
واذا بخلت بـجـاه وجهـك وفـزعتـك
مـالـگـ عـذر يــوم الوجـيـه اتـواجــه
وان كـان بقـعا لـذل الناس حـدتك
لا تـنحـني لهـل الـردى و السـماجـه
دام الاسـد له هـيـبـةً مثـل هـيبتـك
حـرام تـــرجـع يالسـنـافي دجــاجـه
▬▬▬▬▬▬▬ஜ▬▬▬▬▬▬▬
يـغـنـيـك عـــن كـثــر الـحـكـي مـجـمـل ابـيــات
ومــن يـاخـــذ الـمـضـمــون يـلـــقــى الادلـــــه
تـــدري وش الـلـي يــقـتـل الـحـب بسـكـات
لاصــرت فــي بـــوحــك تـــحـــس بـمـذلــــــه
وتـــدري وش الـلـي يـكـسـر الـظـهـر حـزات
لامـن عـطـيت احــســـاس مــاهـــو مـحــلــه
وتـــدري مـتـى تـستــاهـل الـطــعـن مـــرات
لا مــن خــطـيـت الــدرب وانــتـه تــدلــــــه
لا تـتـبـــع المـقـــفـي عـلـــى كــل حـــالات
بــعــض الـوجــيـه اللـي تـقـابـلـك عـلــــه
ولا تـسـال الـغـالـي عــن الـجـرح لا فـــات
نــبــش الــحـكـي يـــزود الـطــيـن بــلـــــه
طــالــع فـمــن حولــك وتاخــذ شهــــادات
مـــانــلـتــها لــو تـــدرس الـدهـــر كلــــه
ناس(ن) تجر من اسود الضيق ونـــــات
ونـــاس(ن) تـقــضــيها ونـاسه وفـلــــه
هـــذاك شــال هــمـوم غـيــره ولا بـــات
وهـــذاك مــايــدري عــن احسـاس خلـه
احــدن يهيــن اصــلــه عـلى كـــل زلات
واحــدن تــرومه شـيـمــتـه مـــاتـــزلــه
لا تقول حظي من عـنا الـوقـت قـد مـات
قــل مـــات حــظ اللـي عـنـاه استــحلــه
ولا ضاقت الدنيـا وعلى الكيف ما جــات
اطـلـق احـجاجـك ثـــم تـوكـل عـلى الـله
▬▬▬▬▬▬▬ஜ▬▬▬▬▬▬▬
اسمع كلامـي زيـن واستذكـره زيـن
اهجـر ذلـول النفـس واقصـر رسنهـا
انت ادمـي مالله خلـق لـك جناحيـن
لاضــاقــت الــديــره تـنـحـيـت عـنـهــا
مــا فــاز بالدنـيـا يـقـع راعــي الـديـن
عساك يـا اللـي تسمـع القـول منهـا
اهديـك نـور العـيـن يــا قــرت العـيـن
اعمـارنـا مــا عـنـدنـا الـلــي ضمـنـهـا
نطمـع نبـي نبنـي قصـور وبساتـيـن
ونروح ماندري من اللي سكنـهـا
تدري وش اللي مـا تجـي بالملاييـن
العـافـيـه لا صـــرت مــحــروم مـنـهــا
وتدري وش اللي حدهـا حـد سكيـن
الحاجـه اللـي مـا نـت قــاوي ثمنـهـا
وتدري وش اللي ما توفي لها الدين
الـلـي غــذاك بـصـغـر سـنــك لبـنـهـا
وتدري وش اللي راجحـه بالموازيـن
سجـدة سحـر لا نامـو الـنـاس عنـهـا
تدري وش اللي ما يهاب السلاطيـن
لا زارهــــا غــطــو عـلـيـهــا كـفـنـهــا
وتدري مـن اللـي يطعنـون المقفيـن
سـود القـلـوب الـلـي تـوقـد ضغنـهـا
يغنيك عن رفقـة ضعـوف ومساكيـن
سـجـة قــدم بـديـار مـحــدا سكـنـهـا
ويغنيـك مـن نضـم القواصـيـد بيتـيـن
تــــازن معـانـيـهـا وتـحـســن لـحـنـهـا
كـم شـاعـرا ولــف قصـيـد ودواويــن
لـيـتـة قـبــل يـتـعـب علـيـهـا خـزنـهــا
واخـر سـؤال وجـاوبـوا يــا مسلمـيـن
امــة محـمـد كـيـف يـسـلـب وطـنـهـا
تـدري متـى نـقـدر نـحـرر فلسطـيـن
لا عـــادة الامــــه لـمـاضــي زمـنـهــا
شعر صالح محسن العروي
▬▬▬▬▬▬▬ஜ▬▬▬▬▬▬▬
ليعلم من ارتاب في امري
ويقرأ سطوري ويحلل شعري
لا؟ تدخل في النوايا فلست ربي
او خلسة(ب) الخاص فلست بمفتي
إن هواجيسك ليست بدربي
ولست من المطبلين لمن يغني
غير اني عشرون عاما سرق عمري
وجنيت مع التين شوكا وانا لاادري
ولي حديقة تعهدتها بالري
وزينتها باجمل ورود عمري
لكن ارضها لم تكن لي
فاصبح المالك للحديقة غيري
ياقارئي لا تلمني.
ان الدمع بالالوان تخلطة عيني
فافرغة حبرا بالاقلام دمي وادمعي
فانثره على دفاتري
حتى لايرون آثار دمي
فابتسم واقول ذكريات طفولتي
الارض لا أريدها لكن الورود لي
ومن غير تلك الورود يستحق قلمي
▬▬▬▬▬▬▬ஜ▬▬▬▬▬▬▬
مابيك بالخاص تدخل وتمدحني
ابيك بالعام تطريني وتجذبني
ولا تلمح بزين غيري ونت تقصدني
مالي بدرب المغازل ونت تعرفني
مرفوع راسك بي ونت تشرفني
مير الحظوظ ما تضحك لمثلك ومثلي
ترا الغلا حسب مقدرتنا ناخذ ونعطي
والمحبة ماتفرق بين فقير وغني
ماني بمغرور ولا قلتها بدون حسي
نفذ وعودك كان تبي القرب مني
المعزة ياصاح بالعمر ماتبالي
ولا لها باللون اسود ولا قمحي
مثلك مايهاب؟ اقول!. لا اخاف تنهرني
خذها وروح منت بقسمة لي.
▬▬▬▬▬▬▬ஜ▬▬▬▬▬▬▬
أكتب تعليقك اذا كان لديك أي تسائل حول الموضوع وسنجيبك فور مشاهدة تعليقك